Problemet në prapavijën e Bayern Munchen janë ende prezente.
15 golat e pësuar në Bundesligë pas 15 javësh flasin qartë, mesatarisht një gol i pësuar për duel.
Nëse i referohemi emrave në mbrojtje, kuptojmë se çfarë potenciali mbartin kampionët e Bundesligës si Daiot Upamekano, Matis de Ligt, Nuasir Mazraui, Rafael Guerreiro apo Alfonso Dejvis.
Gjithsesi, Tomas Tuchel ka tjetër qasje dhe filozofi te Bayerni i “pathyeshëm” dhe plani ka të bëjë me Ronald Araujo. Barcelona e ka bërë të qartë se nuk ka ndërmend të lejojë asnjë lojtar të largohet, përgjatë këtij afati transferimesh.
Ndërkohë, insistimi i Tuchel e ka dërguar këtë të fundit në një tjetër “dimension”, aq sa të marrë aprovimin e bordit për të tunduar katalanasit.
Konkretisht, ai po mendon t’i paraqesë në tryezën e diskutimeve presidentit të Barçës, Johan Laporta, njërin mes Leroi Sane, Joshua Kimmich dhe De Ligt.
Të tre protagonistët ngrihen në piedestal nga mediat botërore dhe mund të shërbejnë si indikatorët e duhur për të thyer rezistencën e katalanasve. Përveç këtij fakti, bavarezët janë të gatshëm të kontribuojnë edhe në të ardhura.
