OSBE ka reaguar në lidhje me Reformën Zgjedhore, duke bërë apel që të mos bëhet në mënyrë të njëanshme, por të ketë angazhim të të gjithë aktorëve politikë.
“Jemi të lumtur të shohim që reforma zgjedhore është në qendër të debatit politik. @OSCEinAlbania qëndron e gatshme të ndihmojë në zbatimin e rekomandimeve të OSBE/ODIHR-it dhe në mundësimin e votimit nga jashtë vendit. Mezi presim të angazhohemi menjëherë me të gjithë aktorët për të arritur synimet e përbashkëta dhe për të rritur integritetin e procesit zgjedhor, në kohë për zgjedhjet e ardhshme”, thuhet në një reagim.
