Gazetari investigativ, Artan Hoxha deklaroi se ndërtimet masive në Tiranë kanë si burim paratë që vijnë nga narkotrafiku dhe korrupsioni.
Artan Hoxha tha se paratë e pista që vijnë nga jashtë shtetit investohen në kulla që ngrihen në “zemër” të Tiranës të cilat marrin gjithmonë “bekimin” e kryebashkiakut Erion Veliajt.
“Boom-i i ndërtimit që ka Shqipëria dhe ky stoku që është diku te 55 mijë apartamente vetëm në kryeqytet ka dy burime kryesore: nga narkotrafiku dhe korrupsioni. Këto emrat e kullave unë i njoh me emrat se janë të Brazilit, të Bolivisë, Ekuadori. Kompania e ligjshme është ajo që bën dokumentacionin dhe bën gjithë punën e dukshme dhe pjesa e parave është gjithçka tjetër. Sot në Shqipëri 95 për qind e vinçave ndodhen në kryeqytet. Vetëm Dubai ka këtë lloj niveli.
Pjesa e financimeve që vijnë nga jashtë dhe sot ata financojnë te kompanitë e mëdha dhe kjo po na dëmton pjesa e shëndoshë e ekonomisë. Meqë bankat kanë shumë kritere për të kredituar, ata nuk kanë dokumentacion për të kredituar dhe ata kanë nevojë për kompanitë e mëdha që t’i investojnë ato para dhe kompanitë e mëdha kanë nevojë për cash, ndaj ne jemi para objekteve dhe projekteve që kanë shumë hapësirë, me çmime sa në Dubai”-tha Hoxha në emisionin “Të Paekspozuarit”, në MCN TV.
