Milani vazhdon të kërkojë një mbrojtës dhe për momentin drejtuesit janë fokusuar te Radu Dragusin, në gjurmët e të cilit është edhe Bayern Munich.
Genoa e vlerëson rumunin 30 milionë euro, një shifër e lartë që kuqezinjtë do të tentojnë ta zbusin me përfshirjen në akord të Lorenco Kolombos, i cili pëlqehet shumë nga kuqeblutë.
Pikërisht sulmuesi i huazuar aktualisht te Monza, sipas “La Repubblica”, mund të zhbllokojë situatën. Kartoni i Kolombos kap vlerën e 10 milionë eurove. Sipas gazetës italiane, me një ofertë prej 20-22 milionë euro, plus pykën 21-vjeçare, Genoa do ta dorëzonte menjëherë Dragusinin te Milani, i cili aktualisht ka jashtë fushe deri në mars Kalulunë, Tomorin dhe Çaun. Kujtojmë se për rumunin janë interesuar edhe Totenhemi, Newcastle e Napoli siç ka konfirmuar menaxheri i tij, Florin Menea.
Bayern po e ndjek së afërmi futbollistin me karakteristika defenisve. Pas ngecjes së operacionit “Daier” dhe bisedimeve të vështira në rastin Mukiele, bavarezët i kanë kthyer “prozhektorët” te shtatlarti i Genoas.
Pretendimet e ekipit italian, të cilat kapin shifrën mbi 30 mln euro, nuk janë problem në arkat e kampionëve të Bundesligës. Konkurrenca e ashpër mund të përdoret me dinakëri prej xhenovezëve në rritjet e kartonit.
Inkuadrimi i Kim dhe Mazrauit, respektivisht në Kupën e Azisë dhe Afrikës, e ka rritur nevojën për mbrojtës në gjirin e Bajernit, çka mund të eliminojë edhe këtë pengesë në transferimin e Dragusin drejt Mynihut.
Vlera e Radus shkon në 20 mln euro sipas mediumet ekspert të “Transfermarkt”, ndërsa statistikat përgjatë sezonit aktual janë vërtetë interesante, pavarësisht profilit në fushë, 2 gola, 1 asist dhe vetëm një kartonë të verdhë me Xhenoan pas 19 javësh kampionat.
