Toni Kroos u largua nga Bayern Munich për të kaluar te Real Madrid në korrik të vitit 2014.
Largimi i tij nga klubi gjerman, i drejtuar në atë kohë nga Pep Guardiola, ngjalli reagime të shumta nga tifozët dhe zyrtarët e skuadrës bavareze, pasi në atë kohë Kroos ishte vetëm 24-vjeç ende pa arritur kulmin e tij si futbollist.
Këtij trendi iu bashkua edhe Franz Bekcenbauer, asokohe president i Bayernit, i cili vdiq të dielën në moshën 78-vjeçare.
Ish-lojtari legjendar i kombëtares gjermane, megjithatë ishte mirëkuptues me vendimin e Kroos, të cilin disi e ‘shtyu’ me fjalët e tij për ta ndërmarrë hapin e ndryshimit të fanellës së Bayernit me atë të Real Madridit.
Tani, me rastin e humbjes së tij të trishtë, janë rikujtuar ato fjalë të Beckenbauerit, që padyshim do të jehojnë këto ditë në veshët e Kroos.
“Si president i Bayernit më vjen keq për largimin e tij, – ka thënë ‘Kaiser’, para se të shtonte me një ton simpatik: – “Ne humbasim një lojtar të klasit botëror, por të shkosh te Real Madridi është e paçmuar”.
Koha do të përfundonte duke e provuar atë që tha legjenda e futbollit gjerman.
Mesfushori i Real Madridit iu bashkua shprehjeve të pikëllimit për vdekjen e Franz Beckenbauer me një mesazh në llogarinë e tij zyrtare. Në postim, një lojtar shumë i ri u shfaq pranë ‘Kaiser’, i shoqëruar me këtë mesazh: “Çfarë momenti, kur isha 17 vjeç! RIP Kaiser”.
What a moment that was at age 17!
RIP KAISER pic.twitter.com/tnwejKe59M— Toni Kroos (@ToniKroos) January 8, 2024
