Një 41 vjeçar është arrestuar ditën e sotme në Vlorë pasi akuzohet për shitje kokaine.
Në pranga ka rënë shtetasi Erion Selamaj, i cili siguronte doza kokaine dhe më pas i shpërndante në zona të ndyshme të Vlorës.
‘U kap dhe arrestua në flagrancë shtetasi Erion Selamaj, 41 vjeç, banues në Vlorë.
Gjatë kontrollit fizik ndaj këtij shtetasi dhe kontrollit në automjetin e tij, shërbimet e Policisë gjetën sasi lënde të dyshuara narkotike kokainë, të ndara në doza, gati për shitje.
Nga verifikimet e kryera ka rezultuar se 41-vjeçari siguronte lëndë narkotike në sasi dhe më pas i ndante në doza, të cilat i shiste në lagje të ndryshme të Vlorës’,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
