Është arrestuar një 38-vjeçar banues në Tiranë, i cili shkaktoi aksidentin ku për pasojë humbi jetën një 4-vjeçar dhe mbeti i plagosur babai i të miturit.
Aksidenti ka ndodhur në aksin rrugor “Tiranë-Fushë Krujë” mbrëmjen e 6 janarit.
“Specialistët e Qarkullimit Rrugor Krujë arrestuan shtetasin E. B., 38 vjeç, banues në Tiranë, pasi duke drejtuar automjetin, në aksin rrugor “Tiranë-Fushë Krujë”, ka aksidentuar shtetasin B. B., dhe djalin e tij të mitur 4 vjeç. Si pasojë e dëmtimeve, 4-vjeçari ka humbur jetë në spital.”– njofton policia.
