Një ngjarje e rëndë është regjistruar këtë të hënë në gjimnazin “Vasil Kamami” në Elbasan. Mësohet se një nxënëse e klasës së 10 e ardhur nga një qendër sociale është hedhur nga kati i dytë i shkollës për arsye që ende nuk dihen.
Ngjarja konfirmohet nga burime të medias pranë spitalit të Elbasanit, ku e mitura po merr ndihmë mjekësore. Nxënësja, identiteti i të cilës nuk dihet, mësohet se ndodhet jashtë rrezikut për jetën. Ngjarja ka ndodhur brenda shkollës, teksa e mitura është vetëhedhur nga kati i dytë i shkollës.
Burime bëjnë me dije se Policia ka marrë në pyetje shokët e klasës së vajzës për të mësuar se çfarë e shtyu të miturën drejt këtij akti ekstrem. E mitura është vetëhedhur nga kati i dytë i shkollës.
