Një aksident me një fëmijë të vdekur ka ndodhur këtë pasdite në aksin Fushë Krujë-Tiranë, në fshatin Tapizë. Viktima është një 4-vjeçar, i cili është përplasur nga një automjet.
Policia njoftoi se mjeti tip “Benz” me drejtues shtetasin E.B. ka aksidentuar shtetasin V.B. dhe fëmijën e tij të mitur 4 vjeç. Si pasojë e dëmtimeve të marra nga aksidenti, 4-vjeçari ka ndërruar jetë në spital.
Drejtuesi i automjetit është shoqëruar në Polici për veprime të mëtejshme procedurale, ndërsa grupi hetimor po punon për sqarimin e rrethanave të aksidentit, shtuan të njëjtat burime.
