Janë zbardhur detaje të reja nga ngjarja e rëndë e regjistruar mëngjesin e sotëm në zonën e Freskut në Tiranë, ku Vehap Cami, 63 vjeç vrau me armë zjarri vëllain e tij Lulzim Cami, 68 vjeç dhe më pas vrau veten.
Burime bëjnë me dije se shkaku i krimit ka qenë konfliktet e vjetra mes dy vëllezërve për disa prona në zonën e Bulqizës. Mësohet se Vehap Cami ka shkuar në banesën e Lulzim Cami, rreth orës 07:40 në rrugën “Xhon Belushi”, ka hyrë brenda dhe ka nxjerrë direkt pistoletën duke qëlluar mbi vëllain e tij, e më pas ka vrarë veten. Konfirmohet se nuk ka patur debat para krimit mes tyre.
Autori Vehap Cami jetonte në zonën e Lundrës, ndërsa vëllai i tij, Lulzim Cami, jetonte me qira në zonën e Freskut. Nga kjo ngjarje e rëndë nuk ka patur persona të tjerë të lënduar.
