Dy automjete janë përfshirë në një aksident në kthesën e Viroit në Gjirokastër. Një automjet me drejtues shtetasen L.S., 37 vjeçe është përplasur me një automjet tjetër të drejtuar nga shtetasi A.B., 23 vjeç.
Si pasojë e përplasjes të dy drejtuesit e automjeteve janë dërguar në spital për ndihmë mjekësore dhe janë jashtë rrezikut për jetën.
Sakaq, grupi hetimor është në vendngjarje dhe po punon për sqarimin e rrethanave të aksidentit.
“Rreth orës 14:10, në aksin rrugor “Gjirokastër-Tepelenë”, në vendin e quajtur “Kthesa e Viroit”, automjeti me drejtuese shtetasen L. S., 37 vjeçe, është përplasur me automjetin me drejtues shtetasin A. B., 23 vjeç.
Nga përplasja janë dëmtuar 2 drejtuesit e automjeteve, të cilët janë dërguar në spital, ku po marrin asistencë mjekësore dhe janë jashtë rrezikut për jetën.”- njofton policia.
Grupi hetimor po punon për sqarimin e rrethanave të aksidentit.
