Revista e famshme e biznesit Forbes ka publikuar vlerësimet e reja të vlerave të klubeve të futbollit.
Reali i Madridit vazhdon të mbajë vendin e pare që nga viti 2022, ndërsa në këtë klasifikim të ri rriti vlerën e tij me 19%, me rivalët e përjetshëm të Barcelonës që ndodhennë vendin e tretë, pasi kishin kryesuar këtë listë në vitin 2021.
Që kur Forbes filloi të publikonte listën e skuadrave më të vlefshme të futbollit në botë në vitin 2004, vetëm Real Madrid dhe Manchester United janë renditur në top pesëshen çdo vit.
Manchester United është klubi më i vlefshëm në Premier League, sipas listës së re të publikuar nga uebfaqja e biznesit të mërkurën. United, me vlerë 6 miliardë dollarë (4,8 miliardë £), është i dyti në listë pas Real Madridit të Spanjës me 6,07 miliardë dollar dhe vlen të theksohet se është hera e parë që dy klube kalojnë shifrën prej 6 miliardë dollarësh.
Liverpool, Manchester City, Chelsea, Tottenham Hotspur dhe Arsenal gjithashtu bëjnë pjesë në 10-tshen e parë.
Vlerësimi i Forbes për Manchester United është rritur me 30% që nga viti i kaluar. Klubi i Old Trafford u nxor në shitje nga familja Glazer në nëntor, me bankierin nga Katari Sheikh Jassim bin Hamad Al Thani dhe Ineos Group i Sër Jim Ratcliffe që të dy paraqitën oferta për të blerë United.
Edhe vlera e Newcastle United është rritur me 51% në 794 milion dollarë pas blerjes së tyre të mbështetur nga Arabia Saudite dhe kualifikimit për Champions League të sezonit të ardhshëm.
Ja cila janë top 10 skuadrat?
1. Real Madrid – $6.07bn (£4.9bn)
2. Manchester United – $6bn (£4.8bn)
3. Barcelona – $5.51bn (£4.4bn)
4. Liverpool – $5.29bn (£4.2bn)
5. Manchester City – $4.99bn (£4bn)
6. Bayern Munich – $4.86bn (£3.9bn)
7. Paris St-Germain – $4.21bn (£3.4bn)
8. Chelsea – $3.1bn (£2.5bn)
9. Tottenham Hotspur – $2.8bn (£2.2bn)
10. Arsenal – $2.26bn (£1.8bn)
15. West Ham – $1.03bn (£831m), 20. Crystal Palace – $806m (£650m), 22. Newcastle United – $794m (£640m), 23. Leicester City – $781m (£630m), 24. Aston Villa – $756m (£609m), 25. Everton – $744m (£600m)
