Tre persona janë proceduar penalisht në Gjirokastër, pasi akuzohen për vepra të ndryshme penale.
Blutë bëjnë me dije, se procedimi ka nisur për një 22-vjeçar, pasi ditën e djeshme, në rrugën “18 shtatori”, automjeti që drejtonte 22-vjeçari, ka aksidentuar një 12-vjeçare (këmbësore), banuese në Gjirokastër, e cila është në kujdesin e mjekëve dhe jashtë rrezikut për jetën.
Ndërkaq, dy shtetas, 34 vjeç dhe 38 vjeç, të dy banues në Tepelenë, u proceduan pasi dyshohet se për motive të dobëta, kanë goditur me sende të forta, një 35-vjeçar.
