Autoritet në Greqi kanë arrestuar një 37-vjeçar shqiptar pasi gjatë kontrollit fizik i është gjetur një armë dhe 13 fishekë të kalibrit 9mm.
Në pranga ka rënë shtetasi Faiken Maze, lindur në Berat dhe banues në Athinë.
Mediat vendase shkruajnë se, Maze, sapo ka vënë re patrullën e policisë, ka tentuar të fshihet në një dyqan, por policia greke ka arritur ta ndalojë 37 vjeçarin, të cilit në atë moment i gjeti edhe armën.
Sakaq, policia greke po heton arsyet e mbajtjes së armës nga shqiptari, ndërkohë që ai rezulton me precedentë të mëparshëm penalë në Shqipëri.
