Udhëtimet nga Londra dhe drejt saj u anuluan të shtunën si rezultat i përmbytjes së një tuneli poshtë lumit Tamiz nga reshjtet e shumta, duke prishur planet e fundit të vitit për shumë udhëtarë.
Qindra udhëtarë, që përpiqeshin të udhëtonin përmes tunelit nënujor nëpër Kanalin La Mansh, u bllokuan në stacionin ndërkombëtar St. Pancras të Londrës dhe stacionin Gare du Nord në Paris.
Shërbimi hekurudhor Eurostar, i cili lidh Londrën me Parisin, Brukselin dhe Amsterdamin, tha se udhëtimet me trenat e shpejtësisë së lartë janë anuluar të shtunën për shkak të përmbytjeve.
Britania e Madhe është goditur nga erërat e forta dhe shiu i dendur si rezultat i stuhisë Gerrit gjatë gjithë sezonit të festave. Fundjava e këtij viti pritet të përballet me më shumë stuhi dhe ndërprerje të udhëtimeve, sipas parashikimit britanik të motit./ VOA
