Këngëtari i njohur nga Kosova, Bardhi, ka konfirmuar se do jetë një prej konkurrentëve të “Big Brother VIP” 3.
Gjatë performancës së tij në sheshin “Skënderbej” në Tiranë Bardhi tregoj se do jetë pjesë e këtë edicioni në BBV, ndërsa u tha fansave të tij që po jua kërkon votat që tani.
“Do këndoj një këngë që ju më keni bërë të njihem në Shqipëri, dhe dua t’ju kallëzoj diçka, jam pjesë e “Big Brother VIP” 3. Kështu që e shfrytëzova rastin më jua marr votat që tani”, tha ai gjatë koncertit.
Edicioni i 3-të i BBV pritet të startojë më 13 janar, ndërsa deri më tani në rrjet kanë qarkulluar dhe disa emra të personazheve të njohura shqiptare që është aluduar se do ti bashkohen garës për të fituar çmimin e madh, ku ndër ta janë: Rike Roçi, Ledjona Xheladinaj, Ksenja Shoshaj, Endrik Beba, Alfio Rrotani, këngëtari La Fazani (Arbër Salihu), Egli Tako, Olsi Bylyku, Adelina Tahiri, Roza Lati, Fation Kuqari dhe Romeo Veshaj.
Ndër ta, vetëm Bardhi ka konfirmuar zyrtarisht pjesëmarrjen në reality-show. Sa i përket drejtuesit të BBV 3, ndryshe nga vitet e mëparshme ky edicion nuk do të jetë në drejtimin e Arbana Osmanit, por do të moderohet nga Ledion Liço.
