Disa turistë kanë përjetur momente tmerri, teksa ishin duke udhëtuar me telefikë në vendpushimin e skive të General’s Mountain në Xinjiang, në Kinën veriperëndimore.
Një stuhi ere e fortë ka goditur teleferikët duke bërë që shumë skiatorë dhe turistë të ulen disa metra mbi shpatet e mbuluara me borë në kushte të ftohtë për të pritur që stuhia të kalonte. Në videon e mëposhtme mund të shihen disa karrige duke u lëkundur egërsisht nga era, me disa skiatorë të frikësuar.
Ngjarja vjen pasi kryeqyteti i Kinës, Pekini, ka pësuar dhjetorin e tij më të ftohtë që nga fillimi i regjistrimeve në vitin 1951. Temperaturat kanë rënë shpesh nën -10C në qytet këtë muaj. Kina është goditur nga valë të motit jashtëzakonisht të ftohtë deri më tani këtë dimër.
