Një banesë është përfshirë nga zjarri natën e kaluar në fshatin Golaj të Hasit. Bëhet fjalë për banesën e familjes së Sadri Meshit, e cila nga djegja e banesës ka mbetur në qiell të hapur në prag të Vitit të Ri.
Mësohet se forcat zjarrfikëse kanë shkuar në vendin e ngjarjes, por pavarësisht ndërhyrjes së tyre, nuk është bërë e mundur shuarja e zjarrit duke shkrumbuar gjithçka brenda banesës.
Fatmirësisht nga flakët nuk ka patur të lënduar, ndonëse në shtëpi ka pasur familjar në momentin e rënies së zjarrit. Mendohet se shkaku i zjarrit të ketë qenë një shkëndij elektrike. Grupi hetimor po punon për të përcaktuar shkakun e rënies së zjarrit në këtë banesë.
