Një zjarr ka rënë në katin e dytë të një banese në Gjirokastër në lagjen “Grehot”.
Policia dhe zjarrfikësja kanë shkuar menjëherë në vendngjarje dhe kanë bërë të mundur fikjen e zjarrit.
Raportohet vetëm për dëme materiale.
“Më datë 28.12.2023, në lagjen “Grehot”, ka rënë zjarr në katin e dytë të banesës së shtetasit V. M.
Shërbimet e Policisë dhe të zjarrfikëses kanë shkuar menjëherë në vendngjarje dhe kanë bërë të mundur fikjen e zjarrit, si pasojë e të cilit u shkaktuan vetëm dëme materiale.”- njofton policia.
Grupi hetimor po punon për përcaktimin e shkakut të rënies së zjarrit.
