Teksa kryeministri shtrëngon gjithnjë e më shumë darën e pushtetit ndaj institucioneve të vendit dhe kundërshtarëve politikë, ‘opozitari’ Lulzim Basha gjen kohë dhe bën festë.
Bashkë me deputetë që e mbështesin, ai shfaqet i buzëqeshur, duke pozuar e duke kërcyer.
Pamjet e festës i kanë shpërndarë në rrjetet sociale deputetët e grupit të vulës, por edhe vetë Basha, i cili në një postim në “FB” shkruan: “Mbrëmje e bukur fundviti me drejtues, deputetë dhe anëtarë të Këshillit Kombëtarë të Partia Demokratike e Shqipërisë. Me besimin dhe urimin për një Vit të Ri sa më të mbarë për të gjithë shqiptarët, për ditë më të mira e më të begata”.
Postimet kanë marrë kritika në rrjetet sociale, me qytetarë që ironizojnë festën e ‘opozitarit’ Lulzim Basha.
“Aleatet e rilindjes jeni ju dhe jo PD”, shkruan një komentues.
“Fiks në shërbimin tonë je”, ironizon një tjetër.
“Shumë bukur fotoja po s’keni elektorat. Iku koha juaj, jeni katra të djegura”, konstaton një tjetër.
