Garda Civile e Spanjës ka shpëtuar një 24-vjeçar i cilli ishte rrëmbyer dhe mbahej në një shtëpi në Calp, ndërsa agresorët e tij kërkuan një shpërblim prej 100,000 euro brenda dy ditësh ose do t’i jepnin fund jetës së tij, ka raportuar Komanda e Alicante.
Personat e përfshirë ishin me kombësi shqiptare dhe viktima ishte një burrë me kombësi spanjolle dhe arabe.
Mediat spnajolle shkruajnë se motivi i rrëmbimit mund të ketë qenë një larje hesapesh. Të përfshirët kërkonin paratë për një biznes të dështuar në të cilin ishin mashtruar nga një person i tretë. Kapësit donin që viktima t’u paguante paratë e humbura. Operacioni ka rezultuar në ndalimin e pesë personave, ndonëse ata janë lënë të lirë me masa paraprake pasi janë sjellë para gjykatës në Dénia.
Operacioni është pagëzuar “Ejani” dhe në të agjentët e Gardës Civile kanë liruar një 24-vjeçar, i cili është rrëmbyer prej dy ditësh në një shtëpi në qytetin e vjetër të Calp. Rrëmbyesit kontaktuan partneren e viktimës me video-telefonatë duke kërkuar një shpërblim, me qëllim që ta shtrëngonin duke kërcënuar se do ta vriste pengun.
Operacioni nisi kur agjentët morën informacione për rrëmbimin e mundshëm të një personi, ku i kërkuan 100 mijë euro partneres së viktimës para se të kalonin 48 orë për ta liruar ose do të kryenin kërcënimin me vdekje. Nisur nga këto ngjarje, agjentët nisën hetimet për ngjarjen, duke verifikuar se partneri i viktimës kishte marrë një video-telefonatë nga kapësit si dëshmi se ata e kishin rrëmbyer. Me të gjitha informacionet e mbledhura, rojet civile verifikuan se vendi ku mbahej viktima ishte një shtëpi në Kalp.
Nisur nga serioziteti i kërcënimeve, pasi koha e vendosur nga rrëmbyesit po arrinte kufirin, agjentët hynë në shtëpinë ku ndodhej viktima, ku ajo ndodhej në gjendje të mirë.
Gjatë kontrollit në banesë, hetuesit kanë arritur të arrestojnë tre prej autorëve, së bashku me disa thika me të cilat kanë kërcënuar viktimën. Dy autorë të tjerë u arrestuan pak minuta më vonë pranë shtëpisë, të fshehur në një furgon.
Të arrestuarit, të cilët akuzohen për veprën penale të rrëmbimit të personit, u vunë në dispozicion të Gjykatës Hetimore numër 2 të Denisë, e cila dekretoi lirimin e të arrestuarve me caktimin e masës së sigurimit.
