Një shtëpi private në zonën e Saukut, pranë sanatoriumit në Tiranë është përfshirë nga zjarri mesditën e kësaj të marte.
Siç shihet dhe nga fotoja e mësipërme, shtullunga tymi dalin nga banesa, teksa fatmirësisht nuk raportohet për të lënduar. Paraprakisht dyshohet se shkaku i rënies së zjarrit ka qenë shpërthimi i një bombole me gaz.
Drejt vendit të ngjarjes mësohet se janë nisur 15 zjarrfikës me tre mjete, për të bërë të mundur shuarjen e flakëve. Grupi hetimor vijon punën për zbardhjen e plotë të rrethanave të ngjarjes.
