Për shkak të rrezikut të shtuar të sulmeve terroriste, katedralja në Këln mbetet e mbyllur për vizitorët, me përjashtim të besimtarëve që hyjnë në meshë.
“Hyrjet në katedrale për arsye liturgjike, të tilla si pjesëmarrja në meshë ose rrëfim, do të lejohen pas kontrollit të policisë. Për lloje të tjera vizitash, katedralja mbetet e mbyllur për arsye sigurie”, thuhet në një deklaratë të përbashkët nga policia dhe Kryepeshkopata e Këlnit.
Katedralja e Këlnit, një nga destinacionet turistike më të vizituara në Gjermani, mbetet i mbyllur midis Krishtlindjeve dhe Vitit të Ri kur katedralja zakonisht vizitohet nga mbi 100,000 turistë.
