Nga 1 janari 2024 të gjithë personat fizikë tregtar apo të vetëpunësuarit e profesioneve të lira nuk do të trajtohen më si biznes i vogël me 0% tatim, por do të taksohen për fitimin e deklaruar nga biznesi deri më 14 milionë lekë në vit me normën tatimore 15% dhe për fitimin e deklaruar mbi fashën e 14 milionë lekëve në vit 23%, pas shpenzimeve të zbritshme.
Për këtë vendim të qeverisë së drejtuar nga Edi Rama ka reaguar, nënkryetari i Partisë së Lirisë, Petrit Vasili.
Ai e quan këtë taksë si diskriminuese dhe që do të dëmtojë shtresën e mesme në vend duke akuzuar kryeministrin.
Reagimi:
Taksa 23% e qeverisë së Ramës për profesionet e lira do të filloje të zbatohet nga 1 janari 2024.
Eshtë qartësisht një taksë diskriminuese sepse ka bisnese të tjera, që përjashtohen nga një taksim i tillë edhe pse krijojnë të njëjtin nivel të ardhurash.
Për shembull qeveria vendos Tatim zero për lojtarët e bixhozit.
Ndersa 23% për profesionet e lira që me aq mund e sakrifica realizojnë të ardhurat pa asnjë ndihmë nga shteti
Qëllimi real i një takse të tillë është në funksion të strategjisë së Ramës për të zhdukur me çdo kusht shtresën e mesme në Shqipëri.
Të ardhurat e pritshme nga taksa 23% për profesionet e lira llogaritet të jetë rreth 28 milion euro, pra sa një km rrugë nga rrugët e florinjta, që tenderon qeveria e Ramës në vazhdimësi.
Pra efekti ekonomik në buxhetin e shtetit është thuajse asgjë duke llogaritur edhe se buxheti i shtetit është mbi 7 miliard euro.
Janë plot 169 profesione të lira që do të taksohen me 23%.
Këta mijra profesionistë, që janë aq të nevojshëm shtyhen të largohen nga vendi përfshirë këtu mjekë, arkitektë etj.
Si përfaqësues të shtresës së mesme goditja ndaj profesioneve të lira është një goditje e rëndë ndaj kesaj shtrese.
Edi Rama kërkon me çdo mjet një Shqipëri pa identitet shoqëror, identitet të cilit ai i trembet për vdekje.
Edi Rama kërkon një Shqipëri ekstremisht të polarizuar, me vetem dy pole: nga njera ane nje grusht njerezish shume te pasur te kontrolluar prej tij dhe nga ana tjeter shumica derrmuese e popullsise teper te varfer dhe lehtesisht te manipulueshem e te nenshtruar, votat e te cileve mund te shitblihen lehte nga Rama.
Një Shqipëri pa shtresë të mesme është një vend i atrofizuar nga fuqia e mendimit profesional, intelektual dhe reagimit shoqëror.
Në këtë mënyrë Shqiperia shkon drejt degradimit të thellë, prapambetjes, injorances dhe korrupsionit epidemik, duke u bërë viktimë e germadhë e klikës politike në pushtet.
Kjo taksë 23% mbi profesionet e lira është dëshmi absolute se Rama kërkon me çdo mjet që të realizojë shpopullimin e sforcuar dhe asgjesimin demografik të Shqipërisë.
Dëmet e kësaj qeverisje rilindase jane shumë të rënda dhe afatgjata, ato po formesojnë një degradim të pakthyeshëm dhe mjerues të Shqipërisë.
