Të gjithë besimtarët e krishterë festojnë sonte natën e Krishtlindjeve, duke paralajmëruar Krishtlindjen e nesërme, festën e lindjes së Jezu Krishtit.
Mesha e lindjes së Krishtit kremtohet në mesnatë, ku shumë besimtarë i bashkohen lutjeve në kishë për më shumë mirësi e harmoni në jetët e secilit.
Por përveç anës spirituale dhe fetare festa e krishtlindjeve vjen në mbarë botën si një nga festat më të bukura dhe më të pëlqyera nga të gjithë. Përgatitjet për këtë festë nisin javë përpara se vigjilja e 25 dhjetorit të shënojë edhe kulmin e festimeve. Dhurata, ushqime të shumëllojshme, e gjithë familja e mbledhur rreth tavolinës duke ndarë urime dhe mesazhet për vit më të mbarë e më të mirë.
Por bota katolike dhe ajo ortodokse duket se kanë disa ndryshime sa i përket riteve fetare. Besimtarët katolikë festojnë vigjiljen e krishtlindjeve gjatë mbrëmjes së datës 24 dhjetor ndërsa sa i përket besimtarëve ortodoksë ceremonia zhvillohet gjatë paradites së datës 25 dhjetor.
Megjithatë Krishtlindja është një nga kremtimet më të rëndësishme në kalendarin e festave të krishtera.
