Protagonistja e video-skandalit, Alma Kaçi ka ndryshuar qëndrim ndaj kryebashkiakut Safet Gjicit për të cilin dikur deklaronte se abuzonte me detyrën kurse sot pohon se është i pafajshëm.
Kaçi pretendon se për akuzat e ngritura nga SPAK, ata janë të pafajshëm, pasi nuk ka pasur “korrupsion”.
“Përderisa kanë dalë akuzat “korruspaion aktiv”, “korruspsion pasiv” edhe unë edhe zoti Gjici jemi të pafajshëm. Këtu nuk ka korruspion. Në kuadër të fjalës është e pamundur të ndërtohet një akuzë. Ajo ka qenë një bisedë. nuk është dorëzuar asnjë projekt. Nuk është dhënë e nuk është marrë asnjë fond. Normalisht edhe ai edhe unë jemi të pafajshëm. Abuzimi me detyrën ëhstë tjetër, por për këto akuza jemi të pafajshëm”,-tha Alma Kaçi per Euronews Albania.
