Një aksident automobilistik është regjistruar mbrëmjen e kësaj të shtune në aksin Levan -Tepelenë, në afërsi të vendit të quajtur “24 orarëshi” në Poçem
Mësohet se dy automjete janë përplasur me njëra-tjetrën “kokë më kokë”. Si pasojë e aksidentit kanë mbetur të plagosur shtatë persona, ku dy prej tyre janë fëmijë.
Të plagosurit janë dërguar me urgjencë në spitalin e Fierit, ku mësohet se një 3-vjeçar ndodhet në gjendje të rëndë shëndetësore dhe është futur në sallë të operacionit.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
