Kreu i PD-së Sali Berisha do të mbledhë ditën e sotme Kryesinë e Partisë Demokratike. Burime bëjnë me dije se mbledhja do të zhvillohet në selinë blu në orën 18:00.
Kjo mbledhje e Kryesisë vjen pas vendimit të sotëm të Kuvendit, ku me votat e mazhorancës iu hoq imuniteti Berishës pas kërkesës së SPAK për dhënien e autorizimit për arrestimin/heqjen e lirisë së deputetit Sali Berisha nëpërmjet zëvendësimit të masës së sigurisë.
Mbetet të shihet se si do të vijojë aksioni opozitar pasi SPAK t’i caktojë masën e sigurisë “arrest shtëpie” Sali Berishës për privatizimin e ish kompleksit Partizani.
