Flamurtari ka bërë goditjen e parë të merkatos së dimirit dhe padyshim bëhet fjalë për një rikthim të bujshëm te vlonjatët.
Pikërisht bëhet fjalë për ish-kapitenin e Tiranës dhe Partizanit, Idriz Batha, i cili ka qenë edhe pjesë e vlonjatëve në sezonin 2018-2019.
Me këtë afrim, mesfusha e Flamurtarit përforcohet dukshëm, gjë e cila konfirmon faktin se Flamurtari nuk ka hequr dorë nga objektivi madhor, që ka të bëjë me rikthimin në Kategorinë Superiore.
Lajmin e ka bërë të ditur vetë klubi vlonjat, ku ka qenë drejtori Ferko ai që e ka prezantuar 31-vjeçarin.
Batha u largua nga Tirana në verën e vitit 2021 për tu transferuar tek Uta Arad. Aventura e tij te klubi rumun zgjati 2 vjet, teksa verën e këtij viti u transferua tek Al-Najma SC, ndërsa tashmë bën rikthimin e tij në futbollin shqiptar.
