Gazetarja Anduena Llabani është shprehur se gjatë një bisede me kreun e SPAK, Altin Dumanin, ky i fundit i ka thënë se përgjimet e “Sky Ecc” do të merren si provë, pasi sipas tij, për këtë gjë ka edhe precedentë nga vendet e BE.
Llabani tha se Dumani i kishte treguar gjithashtu se avokatët janë bërë të gjithë bashkë për ta çuar këtë çështje në Gjykatën Kushtetuese si anti-ligjore.
“Altin Dumani na ka thënë që përgjimet e “Sky Ecc” të quhen provë sepse kemi precedentë të mëparshëm në BE. Kur unë e kam pyetur që nëse ka ndëryrje nga njerëz me influencë për të hequr emrat, ai ka thënë se avokatët janë bërë bllok që këtë gjë të çojnë antiligjore në Kushtetuese. Ka qenë rasti i fundit, na ka thënë për atë gjermanen, landin në Gjermani që e ka kthyer Gjykata e Apelit dhe ka qenë e prerë vendimi se ka pasur një tentativë”, tha Llabani per Euronews Albania.
