Franco Baresi, zëvendëspresident nderi i Milanit, dha komentin e tij për shortin e hedhur sot në Europa League që e vendosi përballë Rennes.
“Nuk duhet të zgjedhim mes kampionatit dhe Europa League. Ne nuk nënvlerësojmë asnjë kundërshtar, francezët janë gjithmonë të veçantë. Ne duhet të kemi mentalitetin e duhur për të arritur deri në fund.
Do të luhet në shkurt, ka ende kohë, shpresojmë ta kemi ekipin e plotë. Kishim pak vazhdimësi, por e dinim që grupi i Champions League ishte i vështirë.
Kampionati sapo ka nisur, me të gjithë lojtarët në dispozicion mund të bezdisim çdo kundërshtar. Ne luajtëm mirë kundër Monza, me shpejtësi. Nëse skuadra e Brianza nuk pati një ndeshje të madhe, kjo është falë Milanit”, deklaroi Baresi.
