Një alarm për bombë është ngritur mesditën e kësaj të hëne në Athinë. Sipas mediave vendase një pako që përmbante gjysmë kilogram eksploziv është vendosur në hyrje të një komisariati policie.
“Autoritetet u alarmuan kur një person i panjohur rreth orës 12:29 paralajmëroi për vendosjen e një bombe në rrugën Kokkinopoulou, në lagjen Zografou të kryeqytetit helen.
Ai u la afat autoriteteve rreth 45 minuta për të ndërhyrë ose ndryshe do të kryente shpërthimin”,- shkruajnë mediat.
Bomba ishte vendosur pranë selisë së forcave MAT. Forcat xheniere të policisë së Athinës rrethuan menjëherë zonën dhe arritën të çmontonin në kohë pajisjen shpërthyese.
