Serbia ka mbajtur ditën e sotme (17 Dhjetor) zgjedhjet e jashtëzakonshme parlamentare, lokale e krahinore.
Aleksandër Vuçiç i Partisë Përparimtare Serbe me shumë gjasa do të vazhdojë të jetë në krye të shtetit serb edhe për një mandat tjetër, kjo e parashikuar nga sondazhet në Serbi.
Kompania e sondazheve ‘IPSOS’, në exit-pollin e saj, deri më tani nxjerr fitues Aleksandër Vuçiçin, pasi forca e tij politike, sipas projeksioneve, pritet të marrë 129 mandate në Parlamentin Serb.
Po ashtu, edhe projeksionet e “Serbia nuk duhet të ndalojë”, parashikojnë se karrigia e presidentit do të vazhdojë të qëndrojë e “ngrohtë” me Vuçiçin të ulur në të.
Po ashtu, deputeti shqiptar nga Lugina e Preshevës, Shaip Kamberi, ka probabilitet të lartë të ruajë mandatin e tij dhe të vazhdojë advokimin në Parlamentin e Serbisë, për respektimin e të drejtave të shqiptarëve në Luginë.
