Një 22-vjeçar i shpallur në kërkim për drogë, është arrestuar në Korçë. Në pranga ka rënë shtetasi Kristo Nushi, i cili akuzohet për prodhim dhe shitje të lëndëve narkotike.
Ndaj Nushit, Gjykata e Korçës ka caktuar masën e sigurisë “Arrest në burg”.
“U identifikua si prodhues dhe shitës i lëndëve narkotike, si rezultat i operacionit policor “Knock Doën 2”, kapet dhe vihet në pranga 22-vjeçari i shpallur në kërkim.
Si rezultat i kontrolleve të mbështetura tek informacionet e siguruara nga inteligjenca policore dhe të kryera në vijim të megaoperacionit “Sundimi i ligjit”, specialistët e Seksionit për Hetimin e Narkotikëve të DVP Korçë, në bashkëpunim me shërbimet e Komisariatit të Policisë Rinas, ndaluan shtetasin e shpallur në kërkim K. N., 22 vjeç, banues në Korçë”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
