Deputeti demokrat Edi Paloka ka paralajmëruar se reagimi përmes mosbindjes civile do të jetë i të gjitha formave, me qëllim arritjen e një rezultati.
Paloka deklaron se opozita nuk ka çfarë të humbasë, veç jetës dhe burgut.
Ai paralajmëron kryeministrin Rama se nuk do të mund të mbrohet nga aksioni opozitar as me “gjithë badigardët e Ballkanit”.
“Nuk është thjeshtë një thirrje për manifestim në boulevard. Nëse nuk reagojmë me të gjitha format, nuk ka rezultat.
Dhe të jetë i bindur Rama, se kur një grup i caktuar ka nëj qëllim, nuk e ndal dot asgjë, kur është gati të sakrifikojë për atë qëllim. Nuk e ndalin as garda, as Policia. Të jetë i bindur Rama që as në Surrel, as në Kryeministri nuk e mbrojnë dot, jo 200 badigardë, po të gjithë badigardët e Ballkanit.
Kjo është një protestë, një reagim për të treguar mosdakordësi për këtë që po ndodh
Tani nuk ka ç’humb opozita, tani na ngelet burgu edhe jeta. Nuk është më çështje e jona, është e gjithë qytetarëve, se kur na ndodh ne kjo, qytetarët e thjeshtë janë ‘zero’.”, tha Paloka në News24.
