Anëtari i kryesisë së PD, Belind Këlliçi ka reaguar pasi IKMT i prishi banesën gazetarit Bled Marku.
Këlliçi shprehet se devijimi i projektit të Unazës së Madhe, pa u dhënë shpjegim qytetarëve pse ndodhi, e la këtë familje në qiell të hapur. Ai shton më tej se ky do të jetë fati që do të kenë edhe 700 familje të tjera.
Këlliçi deklaron se “kështu ndodh, kur Erion Veliaj lihet i lirë dhe amnistohet totalisht, ndërkohë që duhet të ishte pas hekurave ai në vend të drejtorëve të tij”.
“Dhurata” e shpirtkatranit për festa.
Devijimi i projektit të Unazës së Madhe, pa u dhënë shpjegim qytetarëve pse ndodhi, e la familjen e rradhës në qiell të hapur. Këtë fat do të kenë edhe 700 familje të tjera që ende nuk dinë ç’do të bëhet me ta.
E nisën ditën sot me qejf nga shtëpia e gazetarit Bled Marku, ish kandidatit të opozitës për Këshilltar Bashkiak në Tiranë.
Po s’je dora e tyre të shkatërrojnë shtëpinë e të flakin në rrugë. Kështu ndodh, kur Erion Veliaj lihet i lirë dhe amnistohet totalisht, ndërkohë që duhet të ishte pas hekurave ai në vend të drejtorëve të tij. Ku je SPAK? Ku i ke sytë?
