Një 55-vjeçar nga Rrësheni është proceduar penalisht pasi shiste mjete piroteknike.
Policia thotë se në dyqanin e tij janë gjetur disa kuti me fishekzjarrë dhe me kapsolla, të cilat tregtoheshin ilegalisht.
“Specialistët e Seksionit për Hetimin e Krimeve në Komisariatin e Policisë Mirditë evidentuan dhe goditën një rast të shitjes së kundërligjshme, të fishekzjarreve dhe kapsollave.
Për rastin, u referuan materialet në Prokurori ku nisi procedimi në gjendje të lirë për shtetasin L. N., 55 vjeç, banues në Rrëshen.
Nga kontrollet në dyqanin e 55-vjeçarit, në qytetin e Rrëshenit, shërbimet e Policisë gjetën disa kuti me fishekzjarre dhe me kapsolla, të cilat tregtoheshin ilegalisht”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
