Një 22-vjeçar është arrestuar në Berat pasi akuzohet për grabitje. Në pranga ka rënë shtetasi me iniciale F.P, pasi dyshohet se ka vjedhur një shumë parash dhe produkte të tjera në 3 biznese të ndryshme në qytet.
“Nga veprimet e shpejta hetimore dhe procedurale, u identifikua, u kap dhe u arrestua shtetasi F. P., 22 vjeç, banues në Berat.
Shtetasi F. P. dyshohet se ka vjedhur një shumë parash dhe produkte të ndryshme, në 3 biznese në qytetin e Beratit. Ndërkaq, vijon puna për zbardhjen e vjedhjeve të tjera që mund të ketë kryer ky shtetas”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
