Një 34-vjeçar është proceduar penalisht këtë të enjte në Durrës. Procedimi ka nisur për shtetasin me iniciale E.S 34-vjeç pasi shiste ilegalisht në dyqanin e tij fishekzjarre dhe kapsolla të llojeve të ndryshme.
“Në përfundim të veprimeve procedurale për rastin, specialistët për Hetimin e Krimeve Ekonomiko-Financiare të DVP Durrës referuan materialet në Prokurori ku filloi procedimi në gjendje të lirë për shtetasin E. S., 34 vjeç, banues në Durrës, si dhe sekuestruan në cilësinë e provës materiale, lëndët piroteknike”,- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
