Prokurorët gjermanë njoftuan se katër anëtarë të Hamasit janë arrestuar nën dyshimin se po planifikonin sulme ndaj institucioneve hebraike në Evropë. Tre të dyshuar u arrestuan në Berlin dhe një tjetër në Holandë, por është e paqartë nëse arrestimi në këtë të fundit është i njëjti i raportuar nga autoritetet daneze më herët gjatë ditës së sotme.
Policia në Danimarkë deklaroi këtë mëngjes se tre arrestime u bënë në Danimarkë dhe një në Holandë për një komplot të dyshuar terrorist, pa deklaruar motivet apo lidhjet e të dyshuarve.
Izraeli pretendoi se ata “po vepronin në emër të Hamasit”.
“Hetimi ka zbuluar se një rrjet i njerëzve po përgatiste një sulm terrorist”, tha në Kopenhagë Flemming Drejer nga PET.
