Deputetja demokrate Albana Vokshi ka reaguar lidhur me kontrollet e ushtruara nga SPAK ndaj gazetarit Elton Qyno.
“Kjo e sotmja është një ditë jo e mirë për lirinë e medias në Shqipëri. Gazetaria e lirë dhe e pavarur ka marrë një goditje të rëndë nga institucioni që në fakt duhet të ishte në krah të tyre. Dhuna psikologjike, marrja në pyetje për më shumë se 7 orë, shantazhi, bastisjet e shëpisë dhe zyrës nga SPAK – të papranueshëm e të dënueshme”, shkruan në një postim në rrjetet sociale, kryetarja e komisionit parlamentar të medias.
“Ësht detyrë primare e medias së lirë e të pavarur investigimi, zbardhja dhe publikimi i skandaleve, abuzimeve, korrupsionit dhe informimi i publikut, duke mbrojtur burimet e informacionit. Nuk ka demokraci pa media të lirë”, shton ajo.
