Një shpërthim i fuqishëm është dëgjuar pak pas mesnate në qendër të Pireut. Një sasi tritoli e vendosur në një dyqan këpucësh ka shpërthyer duke shkaktuar panik tek banorët e zonës.
Mediat vendase shkruajnë se mbi dyqanin që ishte vendosur lënda shpërthyese janë zyrat e kompanive të transportit detar dhe zyrat e avokatisë, dhe dyshohet se tritoli është vendosur për këto të fundit. Shpërthimi i fuqishëm shkaktoi dëme të mëdha materiale.
Pronari i dyqanit, për mediat vendase ka treguar se nuk ka konflikte me njeri, dhe nuk e di pse i është vënë tritoli:.
“Dëmi është i madh dhe shkatërrimi është i madh. E dëgjova shpërthimin, por nuk e imagjinoja se do të ishte aq i fortë. Ka kamera, nuk e di se cili është objektivi. Në zonë ka zyra dhe dyqane”.
Autoritetet kanë nisur hetimet për identifikimin dhe kapjen e autorëve, dhe zbardhjen e plotë të rastit.
