Kukësi nuk po zhvillon një sezon të mirë, ndërsa në vitet e fundit është shumë larg skuadrës që jemi mësuar të shikojmë.
Verilindorët edhe këtë sezon enden në “ujërat e ftohta”, teksa synimi kryesorë i tyre do të jetë mbijetesa.
Skuadra ka nevojë për përforcime dhe në Kukës diçka të tillë e dinë mjaft mirë dhe pikërisht te verilindorët duket se ka nisur merkatoja. Sipas raportimeve të fundit, bëhet me dije se pjesë e verilindorëve është bërë ish-lojtari i Tomorit.
Bëhet fjalë për Alexandre Talento, i cili u largua para pak javësh nga beratasit. Lojtari ditët e fundit ka dalë në stërvitje nën urdhrat e Nicës.
Ende nuk dihet nëse mes palëve është arritur marrëveshja gjë e cila do të mësohet në ditët në vijim.
