Tahir Bici, ky është mësuesi nga Librazhdi i cili ndërroi jetë dy ditë pas një aksidenti në aksin Librazhd –Prrenjas në Qukës.
Prekëse kanë qenë fjalët që kanë zgjedhur kolegët për të përkujtuar, ndërsa thonë se do të mbahet mend si mësuesi fjalë pak e punë shumë, i përkushtuar ndaj nxënësve, i urtë dhe këmbëngulës për të arritur më të mirën për brezin e ri.
“E dhimbshme kjo ndarje e parakohshme nga jeta e mësuesit Tahir Bici. Koleg, mësues, bashkëshort dhe prind shembullor. Profesor Tahiri mbaroi shkollën e mesme artistike “Onufri”, me pas vazhdoi studimet e larta për mësuesi CU. Punoi në disa shkolla te rrethit te Librazhdit: Babje, Librazhd, Dragostunje dhe se fundmi ne shkollën 9-vjecare Pishkash. Do te mbahet mend si mësuesi fjalë pak e punë shumë, i përkushtuar ndaj nxënësve, i urtë dhe këmbëngulës për të arritur më të mirën për brezin e ri. Ngushëllime të përzemërta familjes dhe kolektivit ku punoi nga ZVA Përrenjas! I përjetshëm kujtimi i tij!”, shkruan Zyra Vendore Arsimore Përrenjas.
Mësuesi nuk u mbijetoi dot plagëve të marra në aksidentin e dy ditëve më parë dhe ndërroi jetë ditën e sotme në spital.
Si pasojë e përplasjes së mjeteve më 11 dhjetor, mbetën të plagosur 6 persona, mes tyre edhe mësuesi i cili fatkeqësisht ndërroi jetë.
Aksidenti me 6 të plagosur në Librazhd-Prrenjas, ndërron jetë mësuesi
