Alojva Xhelilaj mjeke gjinekologe, ka ndarë disa këshilla për të gjithë ato vajza që dëshirojnë të planifikojnë një shtatëzani.
Mjekja apeloi që një konsultë para planifikimit të shtatëzanisë është shumë e domosdoshme, për të kuptuar funksionimin e vezoreve, pozicionimin e mitrës, por edhe probleme të ndryshme që mund të ketë nëna.
“Planifikimi i shëndetësisë është shumë i rëndësishëm. Kujdesi rrit mirëqenien e pacientes. Përfiton shumë nga një konsultim paraprak. Bëjmë një balancë të problemeve të saj dhe çfarë mund të ketë më shumë nevojë prë një shtatëzani të mbarë. Në kontaktin e parë që i drejtohet gjinekologut, vizita e parë marrim një amnamezë të mirë të nënës, sëmundjet shoqëruese, vendi i punës etj. Vizita vazhdon me vaginën, ekografi për funksionimin e vezoreve dhe pozicionin e mitrës”, tha mjekja.
Por a është normal aborti në javët e para të shtatëzanisë?
“Një abort është një situatë që e mërzit një paciente. Gjithnjë e më shumë ne u themi çifteve të reja se që nga momenti që testi del pozitiv deri në javën e 13 aborti ka probabilitet të madh që të ndodhë”, shtoi mjekja për Vizion Plus.
Gjinekologia më tej theksoi se një shtatëzani duhet të shmanget nëse nënsa e re merr barna të palejuara apo ka probleme të tjera shëndetësore. Për të shmangur problemet strukturore tek fëmija apo edhe gjendetike, mjekja e sheh të arsyeshme planifikimin e shtatëzanisë në një moment të dytë.
“Ka raste kur pacienta është duke marrë barna të palejuara. Pas kalimit të pandemisë, shumë pacientë ndonëse të rinj në moshë, kanë ardhur me trompozë, trashje gjaku dhe atak paniku. Ne u kemi sugjeruar që të mos ngelin shtatëzënë deri në stabilizimin e e situatës, që fetusi të mos krijojë probleme strukturore apo gjenetike”, deklaroi Alojva Xhelilaj.
Sipas mjekes gjinekologe, mosha ideale për të ngelur shtatëzënë është midis 20-30 vjeç, kur edhe vezoret janë në pikun e tyre për evolim. Pas kësaj moshe, mjekja thotë se veza e humbet fuqinë e saj.