Rusia planifikon të rrisë flotën e saj të nëndetëseve strategjike – të afta për të nisur sulme me armë bërthamore – njoftoi sot kreu i Kremlinit, Vladimir Putin, në një ceremoni nisjeje për dy nëndetëset e reja në Severodvinsk (veriperëndim).
Në ceremoninë televizive u vunë flamuri nëndetëset “Emperor Alexander III” dhe “Krasnoyarsk”, të cilat së shpejti do t’i bashkohen flotës ruse të Paqësorit.Në të njëjtin kantier detar, që ndodhet rreth 1000 kilometra në veri të Moskës, në vitet e ardhshme do të ndërtohen edhe tre nëndetëse strategjike të klasit Borei. I të njëjtit nivel është nëndetësja “Emperor Alexander III”, e cila është 140 m e gjatë dhe e aftë të mbajë raketa balistike ndërkontinentale SS-N-32 Bulava.
Krasnoyarsk 130 metra i gjatë është një anije e klasit Yasen e pajisur me raketa kundër anijeve Oniks dhe raketa lundrimi Kalibr.
Sipas të dhënave nga faqja e internetit Global Firepower, Rusia ka flotën e dytë më të madhe të nëndetëseve (70) në botë pas Kinës që ka 78.
