Përfundoi në barazim 1-1 ndeshja mes Partizanit dhe Skënderbeut me dy skuadrat që ndajnë nga 1 pikë e cila mund t’i kënaqë të dyja.
Të kuqtë harrojnë të fitojnë, por edhe të humbasin pasi shkojnë në 5 barazime rradhazi dhe 11 ndeshje pa humbje.
Pas ndeshjes trajneri, Arbër Abilaliaj, dha prononcimin e tij si zakonisht duke deklaruar se skuadra vijon të shpërdorojë para portës, çka është edhe shkaku i rezultateve negative në javët e fundit.
“Kemi nevojë që të gjejmë stabilitet, jam i lumtur për faktin që u kthye Sota dhe paraqitjen e repartit difensiv. Ndeshja kishte vetëm 3 raste, ne vazhdojmë sëmundjen tonë të vjetër që shpërdorojmë shumë. Jam i kënaqur me ekipin se nuk është e lehtë të zhvillosh ndeshje çdo tre dite, jam i kënaqur me të gjithë lojtarët. Ka rëndësi pjesa e kualitetit, ka meritë dhe portieri i Skënderbeut, njëherë është vëmendja dhe njëherë agresiviteti. Kemi qenë të fokusuar dhe nëse kemi pasur oshilacione është tek pjesa difensive më përpara, por jam i lumtur si u paraqit mbrojtja dhe të dyja qendrat.
“Lojtarët që u futën në fushën e lojës dhanë maksimumin dhe për mënyrën se si u luajt, me pak vëmendje dhe agresivitet më të madh mund të shkonim tek fitorja, vlejnë rastet e Arit dhe Da Silvës. Në aspektin e volumit të krijuar jam i kënaqur dhe besoj do dalim nga kjo gjendje dhe prandaj i mblodha çunat për ti falenderuar. Janë 5 barazime që ndikojnë, sot ndeshjen duhet ta fitonim ashtu siç erdhi. Ndeshja sot skishte histori thjesht duhet të kishim futur topin në rrjetë. Kristian nuk mund të luante me shumë se 45 minuta sepse smund ta rrezikojmë, ishim të detyruar të largonim bashkë me Carën”, deklaroi Abilaliaj për “MCN TV”.
