Zonja e parë e Ukrainës, Olena Zelenska, ka paralajmëruar se ukrainasit janë në rrezik vdekjeje nëse vendet e perëndimit nuk e vijojnë mbështetjen e tyre financiare.
Deklaratën, zonja Zelenska e bëri gjatë një interviste për BBC.
Zonja e Parë i bëri komentet një ditë pasi senatorët republikanë në SHBA bllokuan një projekt-ligj kyç ndihme që do të ofronte më shumë se 60 miliardë dollarë mbështetje për Ukrainën.
Zelenska i tha BBC-së se ngadalësimi i ndihmës përfaqëson një “rrezik vdekjeprurës” për vendin e saj:
“Ne kemi vërtet nevojë për ndihmë. Me fjalë të thjeshta, nuk mund të lodhemi nga kjo situatë, sepse nëse e bëjmë, vdesim. Dhe nëse bota lodhet, thjesht do të na lënë të vdesim. Na dhemb shumë kur shohim shenjat se gatishmëria e pasionuar për të ndihmuar mund të zbehet. Është çështje jete për ne. Prandaj, dhemb ta shohësh këtë që po ndodh.”
Shtëpia e Bardhë ka paralajmëruar se fondet e SHBA-së për Ukrainën mund të mbarojnë së shpejti dhe republikanët kanë arritur një marrëveshje për të autorizuar më shumë ndihmë.
Mbretëria e Bashkuar gjithashtu u ka kërkuar politikanëve në Uashington DC që të bien dakord për një marrëveshje për Ukrainën.
Sekretari i Jashtëm i Mbretërisë së Bashkuar, David Cameron, tha gjatë një vizite në Uashington këtë javë se SHBA-ja ishte “marrë kyçe” e koalicionit perëndimor që mbështet luftën e Ukrainës kundër Rusisë.
