Liverpool ka arritur të marrë një trepikësh dramatik në premier Ligë, ku sot arriti të fitojë me përmbysje në shifrat 2-1 ndaj Crystal Palace.
Në këtë takim Mohamed Salah ka shënuar golin e 200-të me fanellën e Liverpulit.
Vetëm pesë lojtarë te Liverpulit e kanë arritur shifrën e 200 golave, ku mes tyre bën pjesë legjenda e klubit Ian Rash, Roxher Hunt, Gordon Hodgson dhe Billi Lidell.
Të parët që realizuan ishin vendasit me Mateta, në minutën e 57-të. Në të 75-tën, Palace komplikoi sfidën, pasi Ayew u ndëshkua me karton të kuq.
Liverpool përmbysi ndeshjen në çerek ore lojë. Salah vendosi ekuilibrat e përkohshme të takimit, përpara se Elliot të vuloste 3 pikët për skuadrën e tij.
Në këto kushte, Liverpool shkon në kuotën e 37 pikëve dhe është në krye të Premier League. Palace, ndërkoh, endet në vendet e fundit.
