Merkatoja e janarit do të jetë shumë e rëndësishme për Manchester United, drejtuesit e të cilit pritet të japin maksimumin për të qenë në lartësinë e duhur në pjesën vendimtare të sezonit.
Besohet se disa lojtarë do të largohen nga “Old Trafford” ndër të cilët përfshihet edhe Christian Eriksen.
Edhe pse kontrata e danezit me 20 herë kampionët e Premier Leagues skadon në gjysmën e vitit 2025, rendimenti i tij në fushën e lojës vijon të mos e bindë trainerin Erik Ten Hag.
Për sa i përket sezonit aktual, ishi i Ajax Amsterdamit numëron 11 prezenca, titullar në 6 prej tyre, të shoqëruara me 1 gol.
Sipas prestigjozes “Football Insider” ky lajm është pasuar me shumë spekullime në lidhje me destinacionin e ardhshëm të 31 vjeçarit, i cili natyrisht do të varet nga ofertat në adresë të tij.
Ky sezon është i dyti tek “The Red Devilsat”, skuadër e mbetur në prapavijë prej shumë kohësh në lidhje me titujt, objektivi i të cilës është rikuperimi i terrenit të humbur në vijimësi.
